Egitasmoa

Eusko Jaurlaritzako Liburutegi Zerbitzuak eta Galtzagorri Haur eta Gazte Literatura Elkarteak elkarlanean sortutako egitasmoa da BOOKTUBERBOOM. EAEko 14-18 urteko bitarteko gazteen artean irakurzaletasuna sustatzeko helburuz sortu da eta EAEko Liburutegi Sarearen bidez jarri da martxan.

EAEko gaztetxoen artean irakurtzeko zaletasuna sustatzeko, mundu mailan sekulako arrakasta izan duen BOOKTUBE fenomenoa baliatzeko egitasmoa da BOOKTUBERBOOM. Honen helburua EAEko BOOKTUBER PLATAFORMA sortzea da eta EUSKAL BOOKTUBER KOMUNITATEAren lehen hazia landatzen hastea. Honez gain, edizio berrian BOOKTUBERBOOM_+ jarriko da martxan. TikTok eta Instagram sare sozialetara egingo dugu salto eta BOOKSTAGRAM eta BOOKTOK gehitu dira egitasmora. Funtseaz, sare sozialetako euskarazko liburuen influencer komunitatea eratuko dugu.

Euskarazko booktuber, bookstagramer eta booktoker komunitate bat sortzeko akuilu gisa EAEko V. BOOKTUBER LEHIAKETA egingo da 2021ean, aurreko urteetako edizioen arrakastari jarraipena emanez eta Youtubez gain TikTok eta Instagramera salto egin nahi duenak BOOKSTAGRAM eta BOOKTOK LEHIAKETAN parte hartu ahalko du. Indar berri eta asmo ederrekin dator BOOKTUBERBOOM_+, ez galdu “gustuko dut” emateko aukera!